کراچی:انسپکٹر جنرل (آئی جی)سندھ پولیس غلام نبی میمن نے شہریوں کو خود ہی خفیہ کیمرے لگوانے کا مشورہ دے دیا۔
میڈیا رپورٹس کے مطابق آئی جی سندھ نے عوام کو مشورہ دیتے ہوئے کہاکہ فی الحال شہری خود ہی اپنے گھروں اور کاروباری مقامات پر کیمرے لگوائیں، عوام سندھ پولیس کا ساتھ دیں، اپنے گھروں اور کاروباری مقامات پر خفیہ کیمرے لگوائیں۔
انہوں نے مزید کہا کہ شہری اس کے ساتھ جہاں ضرورت ہو، وہاں رضاکارانہ گواہی دینے میں تعاون کریں۔
خیال رہے کہ سندھ پولیس نے سال 2024 میں کراچی اسٹریٹ کرائم کے دوران ڈکیتی مزاحمت پر 63 ہلاکتوں کی میڈیا رپورٹ مسترد کردی، آئی جی کو پیش کی گئی رپورٹ میں بتایا کہ ہلاکتیں 63 نہیں 48 ہیں۔
