بیجنگ: جنوبی چین کے شہر گوانگزو میں طوفانی بگولے کے باعث کم از کم 5 افراد ہلاک جبکہ 33 زخمی ہو گئے ہیں۔
چینی حکام کا کہنا ہے کہ طوفان سے فیکٹری کی 141 عمارتوں کو نقصان پہنچا لیکن کوئی بھی رہائشی عمارت منہدم نہیں ہوئی۔
غیر ملکی خبررساں ادارے کے مطابق لیانگٹیان گاؤں کے ایک موسمی اسٹیشن نے 20.6 میٹر فی سیکنڈ کی رفتار سے ہوا ریکارڈ کی۔
رپورٹس کے مطابق چین میں لاکھوں لوگوں کی زندگیوں کو خطرہ لاحق ہے کیونکہ امدادی کارکنوں کو بڑھتے ہوئے پانی کی وجہ سے پھنسے ہوئے رہائشیوں کو نکالنے میں مشکلات کا سامنا کرنا پڑ رہا ہے۔
سرکاری میڈیا نے مقامی حکومت کا حوالہ دیتے ہوئے رپورٹ کیا کہ گوانگ ڈونگ صوبہ میں بڑے پیمانے پر سیلاب آیا جس کی وجہ سے ایک لاکھ 10 ہزار سے زائد افراد کو نقل مکانی کرنی پڑی۔
