دبئی: متحدہ عرب امارات میں موسلا دھار بارش کے باعث دبئی ائیرپورٹ پر 13 پروازیں منسوخ اور 5 کو دیگر ہوائی اڈوں پر روانہ کر دیا گیا۔
غیرملکی خبر رساں ادارے کے مطابق جمعہ کو موسلا دھار بارش کے باعث دبئی ائیرپورٹ پر13 پروازیں منسوخ ہوئیں ، دبئی ایئرپورٹ انتظامیہ نے مسافروں کو دبئی ائیرپورٹ آنے سے قبل ایئرلائن کمپنی سے رجوع کرنے کا مشورہ دیا ہے۔
واضح رہے کہ امارات میں غیر یقینی موسمی صورتحال کے باعث تمام اسکول بند رہے اور پبلک ایونٹ معطل کر دیئے گئے جبکہ بعض شہروں میں ملازمین کو گھروں سے کام کرنے کی ہدایت کی گئی۔
