آئی سی سی ٹی 20 ورلڈ کپ میں بھارت نے آسٹریلیا کو جیت کے لیے 206 رنز کا ہدف دے دیا۔
سینٹ لوشیا میں جاری سپر ایٹ مرحلے کے میچ میں آسٹریلوی کپتان مچل مارش کی دعوت پر پہلے بیٹنگ کرتے ہوئے بھارت نے 20 اوورز میں 5 وکٹوں کے نقصان پر 205 رنز اسکور کیے۔
بھارت کی جانب سے کپتان روہت شرما نے ایونٹ کی تیز ترین نصف سنچری اسکور کی اور طوفانی 92 رنز کی باری کھیلی۔
جبکہ سوریا کمار یادو 31، شِیوم ڈوبے 28، رشبھ پنت 15 اور ویرات کوہلی 0 رن بنا کر آؤٹ ہوئے۔
ہاردک پانڈیا 27 اور رویندر جڈیجہ 9 رنز بنا کر ناٹ آؤٹ پویلین لوٹے۔
آسٹریلیا کی جانب سے مچل اسٹارک اور مارکس اسٹوائنس نے 2، 2 جبکہ جوش ہیزل ووڈ نے 1 وکٹ حاصل کی۔
