نئی دہلی(انٹرنیشنل ڈیسک) بھارت میں طوفانی بارش سے 28 افراد ہلاک ہوگئے۔ بھارتی میڈیا کے مطابق بارش سے سب سے زیادہ ہلاکتیں ریاست راجستھان میں ہوئیں جہاں 16 افراد ہلاک ہوگئے۔بھارتی پنجاب میں بھی بارش کے باعث ندی کے تیز بہاؤ میں ایک گاڑی بہ گئی جس سے 9 افراد ہلاک ہوئے ۔ریاست ہماچل پردیش میں سیلاب سے 3 لڑکیاں ہلاک ہوئیں،جب کہ لینڈ سلائیڈنگ اور سیلاب سے 200 سے زائد سڑکیں بند ہوگئیں۔ ریاست ہریانہ کے یامونہ نگر ضلع میں بارشسے دریا کا بند ٹوٹ گیا جس سے کئی گاؤں ڈوب گئے اور فصلیں تباہ ہوگئیں۔