اسلام آباد: مسلم لیگ ن کے رہنما میاں جاوید لطیف کا کہنا ہے کہ آرمی چیف کی تعیناتی کا وقت دیکھیں تو ایک فیض حمید نہیں بلکہ بہت سے فیض حمید نظر آئیں گے، اتنا بڑا ایکشن ایک ہاوسنگ سوسائٹی کی وجہ سے نہیں ہوسکتا، 9 مئی کا فیض حمید سے تعلق ہے۔
میڈیا سے گفتگوکرتے ہوئے ن لیگی رہنما نے کہاکہ 9 مئی کا فیض حمید سے تعلق ہے، اس وقت ایک پیج تھا، اس وقت کی اسٹیبلشمنٹ عدلیہ بہت سارا میڈیا اس وقت کے بینفشری تھے، جب وہ ایک پیج پھٹا تو جو چیزیں سامنے آئیں۔
انہوں نے مزید کہاکہ آرمی چیف کی تعیناتی کے وقت جو کچھ ہوا یہ ساری چیزیں آپ دیکھیں تو آپ کو فیض حمید اکیلے کا چہرہ نہیں بلکہ بہت سے فیض حمید نظر آئیں گے، ہر ادارے کے اندر خود احتسابی کا طریقہ کار موجود ہے وہ الگ بات ہے کہ کوئی ادارہ خود احتسابی کرتا ہے کوئی نہیں کرتا۔