اسکول میں بسکٹ کھانے سے 80 طلبہ کی حالت بگڑگئی

شمبھاجی ناگر: بھارت کے ایک اسکول میں تقسیم کیے جانے والے بسکٹ کھانے سے 80 بچوں کی حالت بگڑگئی۔ سب کو علاج کے لیے اسپتال لے جایا گیا۔

ان بچوں کا تعلق ضلع چھترپتی شمبھاجی ناگر کے ایک ڈسٹرکٹ کونسل اسکول سے ہے۔ پولیس نے اسکول کی انتظامیہ سے پوچھ گچھ شروع کردی ہے۔

عینی شاہدین نے بتایا کہ بسکٹ کھانے سے بہت سے بچے غش کھاکر گر پڑے اور بہت سوں نے قے شروع کردی۔ ابھی تک یہ معلوم نہیں ہوسکا کہ بچوں کو اسکول میں فراہم کیے جانے والے بسکٹ کہاں سے آئے تھے۔