ٹوکیو (انٹرنیشنل ڈیسک) جاپان مین ہوائی اڈے پر قینچی گم ہونے کے بعد 36پروازیں منسوخ اور 201 پروازیں مؤخر کردی گئیں۔ ہوکائیڈو ائرپورٹ کے ڈومیسٹک ٹرمینل پر سیکورٹی چیک 2گھنٹے کے لیے معطل رہا جس سے سیکڑوں مسافر متاثر ہوئے ۔ ائرپورٹ پر قینچی گم ہوجانے پر ڈیپارچر لاؤنج میں مسافروں کو دوبارہ سیکورٹی چیک سے گزرنے پر مجبور کیا گیا۔ حکام نے لاپتہ قینچی کو تلاش کرنے کی کوشش کی جو اگلے دن اسی اسٹور سے ملی جہاں سے گم ہوگئی تھی۔ حکام کا کہناہے کہ انہوں نے اچھی طرح تصدیق کی ہے کہ قینچی وہی تھی جو گم ہو گئی تھی۔