اسلام آباد پولیس نے پاکستان تحریک انصاف کے سینئر رہنما شیر افضل مروت کو آج ترنول کے مقام پر جلسے میں شرکت کے لیے جاتے ہوئے گرفتار کر لیا ہے ، جسے گولڑہ تھانے میں منتقل کردیا گیا ۔
پولیس کی بھاری نفری نے تحریک انصاف کے رہنما کو گرفتار کیا ہے ۔ قبل ازیں پاکستان تحریک انصاف کے آج ترنول کے مقام پر جلسے میں شرکت کے لیے کارکنان پہنچے تھے، اس دوران اطلاع ملی تھی کہ لوگوں کی ایکسپریس چوک سے گرفتاریاں بھی کی گئی ہیں ۔
واضح رہے کہ گزشتہ روز اسلام آباد انتظامیہ نے پنجاب میں دفعہ 144 نافذ کردی تھی، تاہم شیر افضل مروت کچھ لوگوں کے ساتھ موجود تھے اور انہوں نے دفعہ 144 کی خلاف ورزی کی ہے اس لیے انہیں گرفتار کیا گیا ہے ۔
یاد رہے کہ پاکستان تحریک انصاف (پی ٹی آئی) نے اسلام آباد میں ترنول کے مقام پر آج کے ہونے والے جلسے کو ملتوی کردیا تھا ۔