فلسطین میں اسرائیل کی ریاستی دہشت گردی کا سلسلہ جاری ہے، غزہ پر صبح سے اسرائیلی بمباری کے باعث 9 سے زائد فلسطینی شہید ہو گئے۔
عرب میڈیا کے مطابق صہیونی فوج نے یرموک اسٹریٹ پر واقع عمارت پر بمباری کی جس کے نتیجے میں 5 فلسطینی شہید ہو گئے۔
عرب میڈیا کے مطابق اسرائیلی فوج نے جفا اسٹریٹ پر بھی حملے کیے جس کے نتیجے میں 4 فلسطینی شہید ہو گئے۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 40 ہزار 476 سے تجاوز کر گئی ہے جن میں بچوں اور خواتین کی بڑی تعداد شامل ہیں۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 93 ہزار 647 تک پہنچ گئی ہے ۔