پشاور:خیبر پختونخواہ ( کے پی کے ) کے بلدیاتی نمائندوں نے صوبائی حکومت سے مذاکرات مسلسل ناکام ہونے کی صورت میں 4 ستمبر کو وزیراعلیٰ ہاؤس کے سامنے دھرنا دینے کا اعلان کیا ہے۔
میڈیا رپورٹس کے مطابق مذاکرات کی ناکامی پر ایکشن کونسل لوکل کونسلز ایسوسی ایشن نے وزیراعلیٰ ہاؤس کے پی کے پر دھرنا دینے کا اعلان کر تے ہوئے کہا ہے کہ وزیر بلدیات سے مذاکرات ہوئے مگر کوئی نتیجہ برآمد نہ ہوا۔
انہوں نے مزید کہا کہ اب صوبائی حکومت سے جو بھی بات چیت ہوگی دھرنےپر ہی ہوگی ، مطالبات کی منظوری تک دھرنا ختم نہیں کیا جائے گا، عوام نے ہمیں اپنی خدمت کے لیے منتخب کیا ہے، لیکن اختیارات نہ ہونے کی وجہ سے عوام مسائل حل نہیں کر پارہے ہیں، اختیارات نہ ملنے تک وزیر اعلیٰ ہاؤس کے باہردھرنا دیں گے۔