نئی دہلی (انٹرنیشنل ڈیسک) بھارتی ریاستوں آندھرا پردیش اور تلنگانہ میں شدید بارش کے نتیجے میں ہلاکتوں کی تعداد 19 ہو گئی۔ خبررساں اداروں کے مطابق مرنے والوں میں سے 9 کا تعلق آندھرا پردیش اور 10 کا تعلق تلنگانہ سے ہے۔حکام کا کہنا ہے کہ آندھرا پردیش میں سیلاب میں بہ جانے والے 3 افراد اور تلنگانہ میں لاپتاہونے والے ایک شخص کی تلاش کی کوششیں جاری ہیں۔متاثر ہونے والے 17 ہزار لوگوں کو محفوظ مقامات پر منتقل کیا گیا۔
