اوٹاوا (انٹرنیشنل ڈیسک) ہوابازی کی تنظیم انٹرنیشنل سول ایوی ایشن آرگنائزیشن (اکاؤ) کی جانب سے حادثات سے متعلق 5 سالہ رپورٹ جاری کردی گئی۔ رپورٹ میں 2019 ء سے 2023 ء تک ہوائی حادثات اورواقعات کا جائزہ لیا گیا۔ رپورٹ کے مطابق حادثات کے لحاظ سے گزشتہ 5 سال میں سب سے محفوظ سال 2023 ء رہا۔ اکاؤ کی رپورٹ میں بتایا گیا کہ 2023 ء میں دنیا میں صرف ایک حادثہ ہوا،جس میں 72 افراد ہلاک ہوئے۔ 5 سال کے دوران پروازوں کی تعداد میں قابل ذکر اضافہ ہوا تاہم 2023 ء میں بھی پروازوں کی تعداد 2019 ء کے کورونا سے پہلے کے ریکارڈ سے کم رہی۔