راولپنڈی:بانی تحریک انصاف ( پی ٹی آئی)عمران خان کی ہمشیرہ علیمہ خان کاکہناہے کہ چیف جسٹس قاضی فائز عیسی اور چیف الیکشن کمشنر مینڈیٹ چوروں کو تحفظ دے رہے ہیں۔
علیمہ خان نے کہاکہ 4 اکتوبر کو ہر صورت ڈی چوک پر پرامن احتجاج کریں گے، بانی پی ٹی آئی عوام کی خاطر جیل میں بیٹھے ہیں،وہ جس سیل میں اور جن حالات میں ہیں صرف پندرہ منٹ باہر آنے کیلئے دیئے جاتے ہیں۔
انہوں نے مزید کہاکہ جب تک عدلیہ آزاد نہیں ہوتی احتجاج جاری رہیں گے، مہنگائی کی وجہ سے غریب عوام خودکشی کررہی ہے، بجلی کی قیمتوں میں آئے روز اضافہ ہورہاہے، حکومت صرف دعوے ہی کررہی ہے۔