ابوظبی (انٹرنیشنل ڈیسک) ابوظبی کے ولی عہد شیخ خالد بن محمد بن زاید النہیان سرکاری دورے پر ناروے پہنچ گئے۔ اماراتی ذرائع ابلاغ کے مطابق سرکاری دورے کے دوران شیخ خالد ناروے کے ولی عہد ہاکون میگنس اور ناروے کے وزیر اعظم جوناس گہر سٹور سے ملاقاتیں کریں گے۔ ان ملاقاتوں میں مختلف شعبوں میں تعاون کو مزید بڑھانے کے طریقوں کا جائزہ لیا جائے گا اور دونوں ممالک کے درمیان تعاون کے نئے مواقع کو اجاگر کیا جائے گا۔ واضح رہے کہ شیخ خالد بن محمد بن زاید النہیان کے اس سرکاری دورے میں ایک وفد بھی ان کے ساتھ ہے ۔