اسٹاک ہوم (انٹرنیشنل ڈیسک) امریکا اور برطانیہ کے 3محققین کو پروٹین کی بناوٹ، اس کے اثر انداز ہونے اور زندگی پر اس کے اثرات کے حوالے سے غیر معمولی پیش رفت پر نوبیل انعام دینے کا اعلان کردیا گیا۔ خبر رساں اداروں کے مطابق کیمیا کا نوبیل پرائز برطانیہ میں قائم ریسرچ لیبارٹری گوگل مائنڈز سے وابستہ ڈیمس ہاسابیس، جان جمپر اور امریکی شہر سیاٹل کی یونیورسٹی آف واشنگٹن کے ڈیوڈ بیکر کو دیا گیا ہے۔ محققین نے امینو ایسڈ اور پروٹین کے اسٹرکچر کے درمیان تعلق کو واضح کیا۔ یہ کیمسٹری میں خاص طور پر بائیو کیمسٹری میں کئی دہائیوں سے ایک بہت بڑا چیلنج تھا۔