کراکس (انٹرنیشنل ڈیسک) وینزویلا کے صدر نکولاس مادورو کی انتظامیہ نے صدارتی انتخابات کے بعد جاری کریک ڈاؤن دوران حکومت مخالف سرگرمیوں کے شبہے میں 5غیر ملکیوں کو گرفتارکرلیا۔ وزیر داخلہ ڈیوسڈاڈو کابیلو نے کہا کہ امریکا سے تعلق رکھنے والے 3اور ایک بولیویا سے اور ایک پیرو کے شہری کو مبینہ طور پردہشت گردی کی سرگرمیوں کے الزام میں حراست میں لیا گیا ہے۔ حراست میں لیے گئے غیر ملکی ہسپانوی زبان بولتے ہیں۔ دوسری جانب انسانی حقوق کی تنظیموں کا کہنا ہے کہ وینزویلا میں 28 جولائی کو صدارتی دوڑ کے بعد سے جبر میں اضافہ ہوا ہے۔
