دیر: عوامی نیشنل پارٹی کے رہنما زاہد خان نے اے این پی چھوڑنے کا فیصلہ کر لیاہے ۔
تفصیلات کے مطابق زاہد خا ن کا کہناتھا کہ کل میرے حلقے دیر میں میری رہائشگاہ پر ورکرز کنونشن ہوگا جس میں اے این پی چھوڑنے اور مسلم لیگ ن میں شمولیت کا باضابطہ اعلان کروں گا ۔
انہوں نے کہا کہ وفاقی وزیر اور رہنما ن لیگ امیر مقام کی موجودگی میں مسلم لیگ ن میں شمولیت کا اعلان کروں گا ۔
یاد رہے کہ زاہد خان نے کئی ماہ سے پورٹی سرگرمیوں سے کنارہ کشی اختیار کر رکھی تھی ۔
گفتگو میں زاہد خان کا کہناتھا کہ خاندان اور ساتھیوں کی مشاورت سے ن لیگ میں شامل ہونے کا فیصلہ کیا ہے ، میرے ساتھ خاندان اور ورکرز بھی ن لیگ میں شامل ہوں گے ۔