بالی ووڈ کی بولڈ اور متنازعہ کردار ادا کرنے والی اداکارہ رادھیکا آپٹے ایک بیٹی کی ماں بن گئی ہیں۔
بھارتی میڈیا کے مطابق اداکارہ رادھیکا کے ہاں شادی کے بارہ سال بعد بیٹی کی پیدائش ہوئی۔
رادھیکا نے اپنے انسٹاگرام اکاؤنٹ پر اپنی بیٹی کی پیدائش کے ایک ہفتے بعد مداحوں کو آگاہ کیا ہے۔
واضح رہے کہ رادھیکا آپٹے نے برطانوی موسیقار بینی ڈکٹ ٹیلر سے 2012 میں شادی کی تھی، شادی کے بعد دونوں کا زیادہ تر وقت لندن اور ممبئی میں گزرتا تھا۔
رادھیکا آپٹے اور بینی ڈکٹ ٹیلر انٹرٹینمنٹ انڈسٹری سے تعلق ہونے کے باوجود میڈیا سے دور رہتے ہیں۔