چیف آرگنائزر ایم پی پی سیدہ فردوس سے ڈی واٹسن کے مالک ظفر بختاوری اور راولپنڈی وومن ونگ کے اراکین نے ملاقات کی۔ اس موقع پر سیدہ فردوس نے وفود کو ڈاکٹر عشرت العباد خان کے پیغام سے آگاہ کیا، جو ایم پی پی کے روح رواں اور سابق گورنر سندھ ہیں۔ سیدہ فردوس نے وفود کو ڈاکٹر عشرت العباد کی قومی سوچ اور ملک کی ترقی کے لئے ایم پی پی کی کاوشوں کے بارے میں تفصیل سے بتایا۔
سیدہ فردوس نے کہا کہ ایم پی پی پورے پاکستان میں ترقیاتی پروگرامز پر کام کر رہی ہے، جن کا مقصد ملک کی معاشی ترقی اور نوجوانوں کو پاکستان میں ان کی صلاحیتوں کے مطابق روزگار فراہم کرنا ہے۔ انہوں نے کہا کہ ایم پی پی نوجوانوں کے لیے خصوصی پروگرامز بھی متعارف کروا رہی ہے تاکہ وہ اپنے خوابوں کو حقیقت بنا سکیں۔
وفود نے ڈاکٹر عشرت العباد کے پیغام سے مکمل اتفاق کیا اور قومی سوچ کو سراہا، یہ کہتے ہوئے کہ ڈاکٹر عشرت العباد ملک میں ایک اہم مقام رکھتے ہیں اور ان کی رہنمائی سے ملک میں ترقی کی نئی راہیں کھلیں گی۔
اشتہار 