بالی ووڈ اداکارہ جیکولین فرنینڈس کی والدہ کم فرنینڈس کی آخری رسومات ادا کردی گئی جس میں متعدد بالی وڈ اسٹارز نے شرکت کی۔
وہ مارچ میں دل کا دورہ پڑنے کے بعد سے آئی سی یو میں زیر علاج تھیں اور گزشتہ دنوں ممبئی کے لیلاوتی اسپتال میں انتقال کر گئیں۔
جیکولین اور ان کے والد، ایلرائے فرنینڈس، آخری رسومات کے لیے پہنچے۔ اس موقع پر جیکولین کے ساتھی اداکار سونو سود بھی تعزیت کے لیے موجود تھے۔
کم فرنینڈس کی صحت کی خرابی کے باعث جیکولین نے حال ہی میں اپنے پیشہ ورانہ مصروفیات معطل کر دی تھیں تاکہ وہ اپنی والدہ کے ساتھ وقت گزار سکیں۔
