کوئٹہ: تربت میں نامعلوم مسلح افراد کی فائرنگ سے ایک ہی خاندان کے چھ افراد جان کی بازی ہار گئے۔
پولیس حکام کے مطابق یہ افسوسناک واقعہ تربت کے علاقے بلیدہ میں پیش آیا، جہاں حملہ آوروں نے ایک گھر پر اندھا دھند گولیاں برسائیں، جس کے نتیجے میں گھر میں موجود چھ افراد موقع پر ہی جاں بحق ہوگئے۔
پولیس کا کہنا ہے کہ جاں بحق ہونے والوں میں ایک خاتون بھی شامل ہے۔ اطلاع ملتے ہی لاشوں کو قریبی اسپتال منتقل کر دیا گیا۔
حکام کے مطابق فائرنگ سے چند افراد زخمی بھی ہوئے ہیں، جنہیں طبی امداد دی جا رہی ہے۔
پولیس نے بتایا کہ حملہ آوروں کی شناخت اور واقعے کے محرکات جاننے کے لیے تفتیش کا آغاز کر دیا گیا ہے۔
