امریکی صدر ڈونلڈ ٹرمپ نے فرانسیسی صدر ایمانوئیل میکرون اور ان کی اہلیہ کے حوالے سے ایک طنزیہ اور متنازع بیان دیا ہے، جس میں انہوں نے کہا کہ میکرون کی اہلیہ ان کے ساتھ اچھا سلوک نہیں کرتیں۔
غیر ملکی ذرائع ابلاغ کے مطابق ایک ظہرانے کے دوران ٹرمپ نے نیٹو اتحادی ممالک کو ایران کے خلاف جنگ میں ساتھ نہ دینے پر تنقید کا نشانہ بنایا۔ انہوں نے کہا کہ ہمیں ان کی ضرورت نہیں تھی، تاہم اس کے باوجود میں نے میکرون سے رابطہ کیا۔
ٹرمپ کے مطابق انہوں نے فرانسیسی صدر سے خلیج میں فوری طور پر بحری جہاز بھیجنے کی درخواست کی، جس پر میکرون نے جواب دیا کہ ابھی ایسا ممکن نہیں، اور یہ قدم جنگ جیتنے کے بعد اٹھایا جا سکتا ہے۔
