اسلام آباد:
وزیراعظم شہباز شریف کی ہدایت پر اسلام آباد میں تمام سرکاری ٹرانسپورٹ شہریوں کے لیے مفت کر دی گئی۔
سماجی رابطے کی سائٹ ’’ایکس‘‘ پر وزیر داخلہ محسن نقوی نے بتایا کہ مفت ٹرانسپورٹ کی سہولت کا آغاز کل سے ہوگا، یہ سہولت اگلے 30 دن تک برقرار رہے گی۔
انہوں نے بتایا کہ وفاقی دارالحکومت کے شہری ایک ماہ تک بغیر کسی کرایہ کے سرکاری بسوں میں سفر کر سکیں گے، وزارتِ داخلہ عوامی ریلیف اقدام کے لیے 35 کروڑ روپے کے اخراجات برداشت کرے گی۔
وزیراعلیٰ پنجاب کا پبلک ٹرانسپورٹ مفت کرنے، بائیک سواروں کو سبسڈی دینے کا اعلان
سندھ حکومت کا موٹر سائیکل سواروں کو ماہانہ 2ہزار روپے دینے کا فیصلہ
وزیر داخلہ نے بتایا کہ وزیراعظم نے بڑھتی ہوئی مہنگائی کے تناظر میں شہریوں کو فوری ریلیف فراہم کرنے کا حکم دیا تھا، ضلعی انتظامیہ اور ٹرانسپورٹ حکام کو کل سے مفت سروس شروع کرنے کے لیے احکامات جاری کر دیے گئے۔
عوامی حلقوں کی جانب سے ٹرانسپورٹ مفت کرنے کے حکومتی فیصلے کا خیر مقدم کیا گیا۔