بیجنگ: چین نے کہا ہے کہ آبنائے ہرمز میں پیدا ہونے والی کشیدگی اور ممکنہ بندش کی بنیادی وجہ ایران پر امریکہ اور اسرائیل کے حملے ہیں۔
چینی وزارت خارجہ کی ترجمان کے مطابق خطے میں بحری گزرگاہوں میں خلل کی اصل وجہ وہ فوجی کارروائیاں ہیں جو ایران کے خلاف کی گئیں، جنہیں انہوں نے غیر قانونی قرار دیا۔ ان کا کہنا تھا کہ جنگ کے خاتمے سے عالمی شپنگ راستے دوبارہ محفوظ اور کھلے رہ سکتے ہیں۔
ترجمان نے مزید کہا کہ عالمی معیشت پہلے ہی دباؤ کا شکار ہے، اس لیے ضروری ہے کہ بین الاقوامی برادری مل کر کام کرے تاکہ توانائی اور تجارتی راستوں کو مزید متاثر ہونے سے بچایا جا سکے۔