کراچی:
شہر کے مصروف علاقے لیاقت آباد نمبر 4 کی امام بارگاہ والی گلی میں واقع ایک عمارت میں اچانک آگ بھڑک اٹھی جس نے دیکھتے ہی دیکھتے شدت اختیار کرتے ہوئے عمارت کے دیگر حصوں کو بھی اپنی لپیٹ میں لے لیا۔
ترجمان ریسکیو 1122 کے مطابق سینٹرل کمانڈ اینڈ کنٹرول کو اطلاع موصول ہوتے ہی فائر اینڈ ریسکیو ٹیمیں ایمبولینس اور فائر بریگیڈ کے ہمراہ فوری طور پر جائے وقوعہ کی جانب روانہ کر دی گئیں۔
ادھر کے ایم سی فائر بریگیڈ کے چار فائر ٹینڈرز نے موقع پر پہنچ کر آگ بجھانے کا عمل شروع کیا اور کئی گھنٹوں کی کوشش کے بعد آگ پر قابو پا لیا گیا۔
کراچی: غنی چورنگی کے قریب گودام میں آتشزدگی، سامان جل کر خاکستر
کراچی؛ باڑے میں آتشزدگی کے دوران لاکھوں روپے مالیت کی 8 بھینسیں جھلس کر ہلاک
بلدیہ رشید آباد میں کباڑ کے گودام میں آتشزدگی، سامان جل کر خاکستر
چیف فائر آفیسر ہمایوں خان کے مطابق آگ کی ابتدا عمارت میں قائم فرنیچر کی دکان سے ہوئی، جس نے تیزی سے دیگر حصوں کو بھی اپنی لپیٹ میں لے لیا۔ تاہم خوش قسمتی سے واقعے میں کسی قسم کے جانی نقصان کی اطلاع نہیں ملی۔
ریسکیو حکام کے مطابق آگ پر مکمل طور پر قابو پا لیا گیا ہے جبکہ کولنگ کا عمل جاری ہے تاکہ دوبارہ بھڑکنے کے خدشات کو ختم کیا جا سکے۔