پشاور کے علاقے چمکنی میں فائرنگ کے نتیجے میں پولیس اہلکار جاں بحق جبکہ ان کا ڈرائیور زخمی ہو گیا۔
پولیس کے مطابق واقعہ گزشتہ رات پیش آیا جبکہ قتل کا مقدمہ مقتول اہلکار کے بھائی کی مدعیت میں تھانہ چمکنی میں درج کیا گیا۔
ایف آئی آر کے متن کے مطابق پولیس اہلکار اپنے ڈرائیور کے ہمراہ ضلع مہمند سے پھندو سبزی منڈی جا رہا تھا کہ راستے میں ملزمان نے ان پر فائرنگ کر دی۔
فائرنگ کے نتیجے میں پولیس اہلکار موقع پر جاں بحق جبکہ ان کا ڈرائیور زخمی ہو گیا۔
ایف آئی آر کے مطابق ابتدائی طور پر واقعہ مستورات کے تنازع کا شاخسانہ بتایا گیا ہے۔
پولیس کا کہنا ہے کہ واردات کے بعد ملزمان موقع سے فرار ہو گئے جن کی گرفتاری کے لیے تلاش جاری ہے۔
Source: Express
