وجے پور میں زیر تعمیر فلائی اوور منہدم، ایک شخص جاں بحق، 3 زخمی

سانبہ/ضلع سانبہ ،وجے پور کے جکھ علاقے میں زیرِ تعمیر فلائی اوور کا ایک حصہ تعمیراتی کام کے دوران اچانک منہدم ہونے سے ایک شخص جاں بحق جبکہ تین دیگر زخمی ہوگئے۔حکام کے مطابق یہ حادثہ اُس وقت پیش آیا جب فلائی اوور کا ڈھانچہ جاری تعمیراتی کام کے دوران اچانک گر گیا۔
حکام نے بتایا کہ زخمیوں کو فوری طور پر قریبی اسپتال منتقل کیا گیا، تاہم ان کی حالت کے بارے میں فوری طور پر کوئی اطلاع نہیں مل سکی۔واقعے کی تحقیقات شروع کر دی گئی ہیں جبکہ مزید تفصیلات کا انتظار ہے۔