کراچی (اسٹاف رپورٹر) قائدآباد کے علاقے یونس چورنگی فلائی اوور کے قریب پیر کی شب ٹریفک حادثے میں شدید زخمی ہونے والے سب انسپکٹر 40 سالہ عزیزالرحمن نے زخموں کی تاب نہ لاتے ہوئے دم توڑ دیا، ہیڈ محرر قائدآباد انصر نے بتایا کہ متوفی پولیس افسر اسپیشل برانچ آرام باغ میں تعینات تھے اور موٹر سائیکل پر جارہا تھا کہ تیز رفتار واٹر ٹینکر نے ٹکر مار دی، نماز جنازہ آج بروز بدھ بعد نماز عصر گھر کے قریب واقع مسجد میں ادا کی جائے گی۔
