کراچی میں پلاسٹک کے انڈوں کے معاملے کا ڈراپ سین

پی سی ایس آئی آر نے تمام انڈوں کو اصلی اور غذائیت سے بھرپور قرار دے دیا
انڈے فریز کئے گئے تھے جس کی وجہ سے انڈوں کے اندر کا لیکویڈ جم گیا تھا‘رپورٹ
کراچی(اسٹاف رپورٹر) کراچی میں پلاسٹک کے انڈوں کو قبضے میں لینے کا معاملے کا ڈراپ سین ہوگیا۔ پی سی ایس آئی آر نے تمام انڈوں کو اصلی اور غذائیت سے بھرپور قرار دے دیا۔چند روز قبل سندھ فوڈ اتھارٹی نے شہری کی شکایت پر کراچی کے علاقے ڈیفنس کی ایک دکان پر چھاپہ مار کر بڑی تعداد میں مرغی کے انڈے قبضے میں لے لیے تھے۔وجہ یہ بتائی گئی تھی کہ یہ انڈے پلاسٹک سے تیار کیے گئے ہیں۔ یہ ایک حیرت انگیز خبر تھی اور شہر میں اس سے بہت بے چینی بھی پھیل گئی تھی لیکن آج پی سی ایس آئی آر نے ان انڈوں کو تحقیق کے بعد غذایت کے لیے بھرپور قرار دیا۔رپورٹ میں بتایا گیا ہے کہ ان انڈوں میں سندھ فوڈ اتھارٹی کے ضابطے کے مطابق تمام اجزا موجود ہیں لیکن یہ انڈے فریز کیے گئے تھے جس کی وجہ سے انڈوں کے اندر کا لیکویڈ جم گیا تھا جس سے یہ تاثر ابھرا کہ یہ انڈے پلاسٹک سے بنائے گئے ہیں۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں