ریاض (مانیٹرنگ ڈیسک) سعودی عرب میں بینک کی جانب سے کوائف کو اپ ڈیٹ کرنے کا جعلی ٹیکسٹ میسج بھیج کر صارفین کو ان کی رقم سے محروم کرنے والے 13 پاکستانیوں کو حراست میں لے لیا گیا۔ سعودی میڈیا کے مطابق پولیس نے دو الگ الگ کارروائیوں میں دھوکے سے صارفین کی بینک معلومات حاصل کرکے رقم چرانے والے گروہ کے 13 کارندوں کو گرفتار کر لیا ہے جن میں سے 9 افراد کو مکہ اور 4 کو قصیم سے حراست میں لیا گیا ہے، شہریوں کی شکایت کے بعد چھاپہ مار کارروائی عمل میں لائی گئی۔
