نوازشریف کی رپورٹس درست، بیان پر قائم ہوں، یاسمین راشد

اسلام آباد (آن لائن) وزیر صحت پنجاب یاسمین راشد نوازشریف کی میڈیکل رپورٹ کے ٹھیک ہونے پر تا حال قائم ہیں ان کا کہنا ہے کہ نوازشریف کی میڈیکل رپورٹس میری نگرانی میں بنی ہیں اور بالکل درست ہیں۔ وزرا کو غیر ذمے دارانہ بیانات نہیں دینے چاہئیں۔ نجی ٹی وی سے گفتگو کرتے ہوئے یاسیمین راشد کا کہنا تھا کہ نوازشریف کی میڈیکل رپورٹس کے معاملے پر خود کو انکوائری کے لیے پیش کر دیا ہے اور کسی بھی انکوائری کے لیے تیار ہوں۔ ان کا کہنا تھا کہ ایک ڈاکٹر کی رپورٹ غلط ہوسکتی ہے 10 رکنی میڈیکل بورڈ غلط نہیں ہوسکتا۔ ان کا کہنا تھا کہ میاں نوازشریف ہشاش بشاش نظر آرہے ہیں ۔ انہوں نے مجھ سمیت پوری قوم کو دھوکا دیا اور وعدہ خلافی کی۔