کیمسٹری کا نوبیل انعام2 خواتین سائنسدانوں کے نام

اسٹاک ہوم (انٹرنیشنل ڈیسک) سوئیڈش اکیڈمی آف سائنسز نے رواں سال کیمسٹری کا نوبیل انعام 2خواتین سائنسدانوں کے نام کردیا۔ فرانس کی عمانویل شارپونٹیے اور امریکا کی جنیفر ڈاؤنا کو یہ انعام انسانی جین پر تحقیق کے سلسلے میں دیا گیا۔ انہوں نے جین ایڈیٹنگ کی جدید ترین تکنیک کرسپر ایجاد کی ہے۔ تاریخ میں یہ پہلا موقع ہے کہ جب سائنس کے شعبے میں نوبیل انعام مشترکہ طور پر 2خواتین کو دیا گیا ۔ ماہرین پہلے ہی پیش گوئی کرچکے تھے کہ کرسپر اس قدر انقلابی تکنیک ہے کہ اسے نوبیل انعام مل کر ہی رہے گا۔