سکھر (آن لائن) سکھر کی احتساب عدالت نے نیب کو پی پی رہنما خورشید شاہ کے خلاف حتمی ریفرنس دائر کرنے کی اجازت دے دی۔ پیر کو سکھرکی احتساب عدالت نے پیپلزپارٹی کے مرکزی رہنماخورشیدشاہ، ان کی 2 بیگمات، صاحبزادوں اور داماد صوبائی وزیر سید اویس قادر شاہ سمیت 18 ملزمان کے خلاف آمدن سے زائد اثاثہ جات بنانے کے الزام میں دائر نیب ریفرنس کی سماعت کی۔ دورانِ سماعت دوران جج فرید انور قاضی نے گزشتہ سماعت پر نیب پراسیکیوٹرکی درخواست پر محفوظ فیصلہ سنایا اور نیب کو ملزمان کے خلاف حتمی ریفرنس دائر کرنے کی اجازت دے دی جبکہ عدالت نے مزید سماعت 24 اکتوبر تک ملتوی کردی۔
Load/Hide Comments
انڈیا
جموں و کشمیر
