نوازشریف نے عربوں سے  تعلقات خراب کیے، طاہر اشرفی

اسلام آباد (آن لائن) معاون خصوصی وزیراعظم مو لا ناطاہر اشرفی نے کہاہے کہ نوازشریف نے عرب ممالک سے تعلقات خراب کیے، آرمی چیف جنرل باجوہ نے تعلقات بحال کرائے، جنرل باجوہ کے سیاسی کردار ادا کرنے سے انکار پرنوازشریف مایوس ہیں۔ اپنے ایک انٹرویو میں انہو ں نے کہاکہ خواجہ آصف نے جھوٹ بولا، سعودی عرب نے یمن بھیجنے کے لیے فوج نہیں مانگی، وزیر خارجہ کو سعودی عرب سے گلا تھا تو ٹی وی پر نہ کرتے، یہ بات سڑک پر کرنے کے بجائے سعودی ہم منصب کوفون کرلیتے، یہی بات وہ ہمارے بارے میں کرتے تو ہمیں بھی گلا ہونا تھا۔ انہو ں نے کہاکہ شہبازشریف سمیت ن کے ذمے داران نواز بیانیے کے ساتھ نہیں، رات کی تنہائی میں کپتان کے بلاوے پر آجاتے ہیں۔ آرمی چیف کابلانا تو بڑی بات ہے۔ انہوں نے کہا کہ مدارس کے طلبہ فوج کے خلاف اپوزیشن کے ہاتھوں استعمال نہیں ہوں گے، انہوں نے کہاکہ مدرسے کو سب سے زیادہ مار شریف برادران سے پڑی مگر فضل الرحمان نے مرہم نہیں رکھا۔