امریکی سینیٹ سے منظوری کے بعد ایوریل ہینس امریکہ کی ڈائریکٹر نیشنل انٹیلی جینس مقرر ہو گئیں۔
خبر کے مطابق، امریکی صدر جو بائیڈن کی جانب سے ڈائریکٹر انٹیلی جنس کے لیے منتخب کی گئی ایوریل ہینس کی تقرری کے لیے سینیٹ سے کرائی گئی رائے دہی میں 84 افراد نے حق اور 10 نے ان کی مخالفت میں ووٹ ڈالا۔
ایوریل ہینس کا کہناتھا کہ وہ ملکی خود مختاری کے لیے ہمیشہ سچ بولیں گی اور خفیہ ایجنسیوں کے کام میں رکاوٹ کے خلاف مزاحمت کریں گی، وہ سابق صدر اوباما کے دور میں بھی سی آئی اے کی نائب صدر اور ادارہ برائے قومی سلامتی میں بطور نائب مشیر فرائض انجام دے چکی ہیں۔
