ٹوکیو اولمپکس کی رنگا رنگ اختتامی تقریب

جاپان کے دارالحکومت ٹوکیو میں 17 روز تک جاری رہنے والے اولمپکس کے مقابلے اختتام پذیر ہو گئے۔ ایونٹ میں امریکہ 39 طلائی تمغے حاصل کر کے مجموعی طور پر 113 تمغوں کے ساتھ پہلے نمبر پر رہا۔ دوسرے نمبر پر چین رہا جس نے مجموعی طور پر 88 تمغے اپنے نام کیے جس میں 38 طلائی تمغے بھی شامل تھے۔ ایونٹ میں تیسری پوزیشن روسی اولمپکس کمیٹی کی رہی جس نے مجموعی طور پر 71 تمغے حاصل کیے۔ اتوار کو ایونٹ کی اختتامی تقریب میں فن کاروں نے اپنے فن کا شان دار مظاہرہ کیا۔ شان دار آتش بازی نے آسمان کو رنگوں سے بھر دیا۔ ٹوکیو اولمپکس کی رنگا رنگ اختتامی تقریب کی تصویری جھلکیاں دیکھیے اس پکچر گیلری میں۔۔۔