افغانستان میں سخت سیکیورٹی میں اتوار کو عید منائی گئی۔ طالبان کی حکومت کی سپریم کورٹ نے ہفتے کو اعلان کیا تھا کہ افغانستان میں اتوار کو عید منائی جائے گی۔ دارالحکومت کابل سمیت ملک بھر میں عید کے بڑے اجتماع ہوئے۔ اگست 2021 میں افغانستان پر طالبان کے کنٹرول کے بعد پہلی بار ملک میں عید منائی گئی، البتہ عید سے قبل مسلسل دو دن دارالحکومت کابل میں دھماکے ہوئے۔ عید پر قندھار میں طالبان کے سربراہ ملا ہبت اللہ نے بھی پہلی بار عوامی اجتماع سے خطاب کیا۔
