افغان پناہ گزین پروگرام فوری طور پر بند، جرمنی کا اعلان

جرمنی کی حکومت نے افغان پناہ گزین پروگرام کو فوری طور پر ختم کرنے کا اعلان کیا ہے۔

جرمن حکام کے مطابق یہ فیصلہ افغان مہاجرین کے جرائم میں ملوث ہونے اور ملک میں سنگین سکیورٹی خطرات کے پیش نظر کیا گیا۔

غیر ملکی میڈیا کے مطابق جرمنی نے 640 افغان پناہ گزینوں کو ملک میں داخلے کی اجازت دینے سے انکار کر دیا ہے اور اب جرمنی آنے کے منتظر افغان مہاجرین کے داخلے کے امکانات ختم ہو چکے ہیں۔

جرمن وزارت داخلہ نے بتایا کہ افغان طالبان کی شدت پسندانہ پالیسیوں نے عالمی برادری کو افغانستان کے ساتھ سفارتی تعلقات محدود کرنے پر مجبور کیا ہے۔ میڈیا رپورٹس کے مطابق 2024 میں جرمنی نے 28 اور 2025 میں 81 افغان باشندوں کو مجرمانہ کارروائیوں کی بنا پر ملک بدر کیا تھا۔