پشین: سکیورٹی فورسز نے بلوچستان کے علاقے پشین میں انٹیلی جنس اطلاعات کی بنیاد پر کارروائی کرتے ہوئے خودکش حملہ آور سمیت فتنہ الخوارج کے 5 دہشتگرد ہلاک کر دیے۔
آئی ایس پی آر کے مطابق ہلاک دہشتگرد متعدد کارروائیوں میں ملوث تھے اور ان کے قبضے سے اسلحہ اور گولہ بارود بھی برآمد ہوا۔
پاک فوج کے شعبہ تعلقات عامہ نے واضح کیا ہے کہ ملک بھر میں دہشتگردی کے ناسور کے خاتمے کے لیے اقدامات جاری ہیں اور دہشتگردوں کے خلاف بلاامتیاز کارروائیاں مسلسل جاری رہیں گی۔
