پاکستان کرکٹ ٹیم کے سابق کپتان شاہد آفریدی نے حالیہ ایران اور امریکا کے درمیان جنگ بندی میں پاکستان کے کردار کو سراہتے ہوئے ملک کو پیس میکر قرار دیا ہے۔
سماجی رابطے کی ویب سائٹ پر اپنے بیان میں انہوں نے کہا کہ اسلام امن کا درس دیتا ہے اور اسی بنیاد پر پاکستان نے ہمیشہ امن کے فروغ کیلئے کردار ادا کیا ہے، یہی وجہ ہے کہ پاکستان کو پیس میکر کہا جا سکتا ہے۔
شاہد آفریدی نے جنگ بندی پر ردعمل دیتے ہوئے پاکستان زندہ باد کا نعرہ بھی بلند کیا اور اس پیشرفت کو مثبت قدم قرار دیا۔
یاد رہے کہ امریکی صدر ڈونلڈ ٹرمپ نے وزیراعظم شہباز شریف کی جانب سے پیش کی گئی دو ہفتوں کی جنگ بندی کی تجویز کو قبول کر لیا تھا جس کے بعد صورتحال میں بہتری آئی ہے۔
