اجلاس کے ایجنڈے میں رکن ممالک کے اقتصادی و تجارتی تعلقات کو وسعت دینے اور خطے میں رابطوں کے نظام کو مضبوط بنانے سمیت اہم امور شامل ہیں۔
اسلام آباد میں اقتصادی تعاون تنظیم کے وزرائے خارجہ کا 30واں اجلاس شروع
اجلاس میں شرکت کے لیے ترکیے کے نائب وزیر خارجہ موسیٰ کُلاک لِکایا بھی اسلام آباد پہنچ گئے ہیں، جہاں وہ اپنے ملک کے وفد کی قیادت کریں گے۔
سفارتی ذرائع کے مطابق ایران کے وزیر خارجہ عباس عراقچی بھی خصوصی طور پر اجلاس میں شرکت کریں گے، تاہم افغان وزیر خارجہ کو اس اجلاس میں مدعو نہیں کیا گیا۔
اجلاس کے دوران رکن ممالک کے درمیان علاقائی تجارت بڑھانے، ٹرانسپورٹ اور توانائی کے شعبوں میں مشترکہ منصوبوں اور وسطی ایشیائی ریاستوں کو عالمی منڈیوں تک بہتر رسائی فراہم کرنے کے امکانات پر تبادلہ خیال کیا جائے گا۔
ذرائع کا کہنا ہے کہ اجلاس میں شریک غیر ملکی وزرائے خارجہ کی وزیراعظم شہباز شریف سے ملاقات بھی متوقع ہے، جبکہ وزیراعظم کی جانب سے مہمان وفود کے اعزاز میں ظہرانے کا اہتمام بھی کیا جائے گا۔
اجلاس کے ایجنڈے میں رکن ممالک کے اقتصادی و تجارتی تعلقات کو وسعت دینے اور خطے میں رابطوں کے نظام کو مضبوط بنانے سمیت اہم امور شامل ہیں۔
