لاہور( مانیٹرنگ ڈیسک) بچوں کو ہنسانے والے مزاحیہ اداکار منا لاہور کی نماز جنازہ نماز ظہر کے بعد لاہور میں ادا کی گئی۔ معروف اداکار زندگی کے آخری وقتوں میں بھی بیماری سے لڑتے رہے‘ تاہم کوئی ان کی داد رسی کیلئے نہیں آیا۔ ماضی کے مقبول ڈرامے عینک والا جن میں زکوٹا کے کردار سے شہرت پانیوالے اداکار منا لاہور نماز جنازہ کے بعدمقامی قبرستان میں سپرد کردیئے گئے۔ اہل خانہ کے مطابق مطلوب الرحمن چار سال بیماری سے اکیلے لڑے کوئی مدد کیلئے نہیں ایا۔ مرحوم کی نمازجنازہ ظہر کی نماز کے بعد لاہور میں ادا کی گئی۔ مرحوم مطلوب الرحمن نے پسماندگان میں تین بیٹے اور دو بیٹیاں اور بیوہ چھوڑے ہیں۔ مطلوب الرحمن کے بیٹے کاکہنا ہے کہ مرنے سے پہلے کوئی فنکار بھی ابو سے ملنے نہیں ایا تھا مرنے کے بعد اب سب کہتے ہیں کہ زکوٹا بھلا آدمی تھا۔ وہ الحمرا میں کام کرکے ادویات کے پیسے اکٹھے کرتے تھے۔
