موٹر سائیکل سوار ملزمان نے کار کو روکا اور موبائل و نقدی چھین لی، جاتے ہوئے کار کی چابی بھی لے گئے
کراچی (کرائم رپورٹر) صبح سویرے سرسید میں ڈاکوئوں نے مشہور کامیڈین ذاکر مستانہ کو گن پوائنٹ پر یرغمال بنا کر لوٹ لیا۔ تفصیلات کے مطابق سرسید کے علاقے سیکٹر 11/A میں موٹر سائیکل سوار مسلح ڈاکوئوں نے پاکستانی مشہور کامیڈین ذاکر مستانہ ولد محمد اقبال کی کلٹس کار نمبر AXC-244 کو روک کر A-7 سام سنگ موبائل فون اور 12 ہزار روپے نقدی لوٹ کر فرار ہوتے ہوئے کار کی چابی بھی ساتھ لے گئے۔ واقعہ کی اطلاع ملنے پر پولیس نے جائے وقوعہ پر پہنچ کر اطراف کی سی سی ٹی وی فوٹیج حاصل کرنے کی کوشش شروع کردی، تاہم معروف کامیڈین ذاکر مستانہ کو ڈاکوئوں کی جانب سے لوٹنے کے بعد اسٹیج فنکاروں میں تشویش پائی جانے لگی۔