کراچی: اداکار سمیع خان نے فلم میں سرمنڈوانے کی خواہش کا اظہار کردیا۔
سمیع خان نے ایک ویب سائٹ کو انٹرویو دیتے ہوئے انکشاف کیا کہ کچھ عرصے سے ایک بات پر منصوبہ بندی جاری ہے کہ میں اسکرین کے سامنے بلکل عجیب کردار میں سامنے آجاؤں اور ممکن بھی ہے کہ عنقریب ایسے تجربات ہو جائیں۔
سمیع خان نے یہ خواہش کا اظہار کرتے ہوئے کہا کہ میں اسکرین پر سب کے سامنے سر منڈواؤں جوکہ میری زندگی کی انوکھی خواہش ہے اور اس ضمن میں اپنے ہدایتکار دوستوں سے بھی کہا تھا کہ ایسا کوئی فلم کا سین ہو جس میں شیشے کے سامنے کھڑے ہو کر سر کے بال منڈوائے جائیں لیکن اس کے لئے ضروری ہے کہ فلم بھی اتنی ہی اچھی ہو اور بہترین پروڈکشن ہو تو اس کے لئے اداکار سمجھوتہ کرے۔
