کراچی (اسٹاف رپورٹر) گورنر سندھ عمران اسماعیل نے کہا ہے کہ کے فور منصوبے میں گڑبڑ یا چوری کرنے والے بچ نہیں سکتے، منصوبہ ہر حال میں مکمل ہوگا۔ قدرتی آفات میں فورسز سے مدد لینے کے بجائے حکومتی ادارے کو فعال کردار ادا کرنا چاہیے۔ ان خیالات کا اظہار انہوں نے پاکستان کے پہلے وزیراعظم لیاقت علی خان کی 68 ویں برسی کے موقع پر ان کے مزار پر حاضری و فاتحہ خوانی کے بعد میڈیا سے گفتگو کرتے ہوئے کیا۔