کراچی: نبی کریم ﷺ کی یوم پیدائش کے موقع پر فنکاروں نے بھی آقا کریم ﷺ سے مختلف انداز کے ساتھ محبت کا اظہار کیا ہے۔
حضور پاک ﷺ کی عقیدت میں دنیا بھر میں بسنے والے مسلمان آج جشن عید میلاد النبی ﷺ ادب واحترام کے ساتھ منا رہے ہیں۔ اس موقع پر شوبز سے تعلق رکھنے والے شخصیات نے بھی آقا کریم سے محبت کا اظہار کیا ہے۔
Eid Milad-un-Nabi Mubarak! May we all become better at following the teachings and emulating the life of our beloved Prophet Mohammad Sallallaahu Alaihi Wasallam #EidMiladunNabiMubarak pic.twitter.com/y82lt2Acui
— Humayun Saeed (@iamhumayunsaeed) November 10, 2019
ہمایوں سعید نے سماجی رابطے کی ویب سائٹ ٹوئٹر پر جشن عید میلاد النبی ﷺ پر کچھ تصاویر شیئر کیں اور ساتھ ہی انہوں نے سب کو مبارکباد دیتے ہوئے کہا کہ سب کو چاہئے کہ ہم اپنے پیارے نبی ﷺ کی تعلیمات پر عمل کریں اور اُن کی مبارک زندگی کی تقلید کریں۔
بین الاقوامی شہرت یافتہ گلوکار و اداکار علی ظفر نے اپنی آواز میں پڑھی گئی نعت کی ویڈیو جاری کی اور کہا کہ آج کے دن حضور پاک ﷺ تمام انسانیت کے لئے رحمت بن کر تشریف لائے۔ یہ میری طرف سے آپ ﷺ کی محبت کے لئے ایک ادنیٰ سی کوشش ہے۔ اور آپ ﷺ پر تمام رحمتیں اور برکتیں نازل ہوں۔
حضور ﷺ میری ساری بہار آپ ﷺ سے ہے #EidMiladUnNabi
— VEENA MALIK (@iVeenaKhan) November 9, 2019
وینا ملک نے بھی جشن عید میلاد النبی ﷺ کی مبارکباد دیتے ہوئے کہا کہ حضور ﷺ میری ساری بہار آپ سے ہے۔
Eid Milad-un-Nabi Mubarak ❤
— Farhan Saeed (@farhan_saeed) November 10, 2019
گلوکار فرحان سعید نے اپنی ٹوئٹ میں کہا کہ سب کو عید میلاد النبی ﷺ کو مبارک ہو۔