اسلام آباد (مانیٹرنگ ڈیسک) ممبئی کے سمندر میں ڈوب جانے کے خدشے نے پورے بھارت میں خوف و ہراس اور افراتفری مچا دی ہے۔ ایک بین الاقوامی جائزہ رپورٹ کے مطابق ممبئی آئندہ 20 سے 30 سال کے عرصے میں سطح سمندر بلند ہونے کے نتیجے میں زیر آب آجائے گا۔ بھارتی بحریہ کا ہیڈ کوارٹر ممبئی میں ہے جبکہ بھارت کا سب سے بڑا ایٹمی ری ایکٹر بھی اسی شہر میں واقع ہے۔ یہ خدشات منگل کو بھارت کے ایوان بالا راجیہ سبھا میں بھی زیر غور آئے، جہاں مذکورہ خدشات کو مسترد کر دیا گیا۔ وقفہ سوالات میں جواب دیتے ہوئے متعلقہ وزیر ہرش وردھن نے کہاکہ ممبئی کے ڈوب جانے کا کوئی خطرہ نہیں ہے۔