لندن: برطانیہ میں بریگزٹ کےنام پرقبل از وقت الیکشن میں کنزرویٹو کا لیبر پارٹی سے کانٹے کا مقابلہ ہے، کنزرویٹو نے 20 اور لیبر پارٹی نے 19 پاکستانیوں کو میدان میں اتار دیا۔
پارلیمان کی 650 نشستوں کیلئے 3 ہزار 322 امیدوار حصہ لے رہے ہیں ، بریگزٹ کےنام پر برطانیہ میں قبل از وقت الیکشن کیلئے ووٹنگ کل ہوگی۔ پارلیمان کی 650 نشستوں کے انتخاب کیلئے 55 مسلمان امیدوار بھی شامل ہیں۔
کنزرویٹو پارٹی کے رہنما بورس جانسن، لیبرپارٹی کے رہنما جیرمی کوربن، اسکاٹش نیشنل پارٹی کے نکولا سٹرجن، لبرل ڈیموکریٹس کے جوسوونسن، گرین پارٹی آف انگلینڈ اینڈ ویلز کے شون بیری اوربریگزٹ پارٹی کے نائیجل فراژ اپنی جیت کے لیے پرامید ہیں۔
میڈیا رپورٹس کے مطابق کل ہونے والے انتخابات میں معلق پارلیمنٹ بننے کا امکان ہے۔ پولنگ کا آغاز برطانوی وقت کے مطابق صبح 7 بجے ہوگا جو رات 10بجے تک جاری رہے گا۔