معروف اداکارہ شبانہ اعظمی مودی سرکار کی جانب سے مسلم مخالف قانون بنانے کے خلاف کھل کر سامنے آگئیں۔
شبانہ اعظمی نے سماجی رابطے کی ویب سائٹ ٹوئٹر پر بھارت بھر میں مودی سرکار کے متنازع مسلم مخالف قانون کے خلاف مظاہروں کی حمایت میں ایک ویڈیو پیغام جاری کیا جس میں انہوں نے کہا کہ اگرچہ میں بیرون ملک میں ہونے کی وجہ سے ذاتی طور پر مظاہرے میں شامل نہیں ہوں لیکن میں مکمل طور پر حمایت کرتی ہوں، شبانہ عظمی نے بھارتیوں سے گزارش کرتے ہوئے کہا کہ بنا کسی افراتفری مظاہروں میں زیادہ سے زیادہ شرکت کرکے اس مہم کو آگے بڑھائیں۔
— Azmi Shabana (@AzmiShabana) December 19, 2019
شبانی اعظمی نے ویڈیو کا اختتام کیفی اعظمی کا شعر پڑھ کر کہا کہ ’’آج کی رات بہت گرم ہوا چلتی ہے، آج کی رات نہ فٹ پاتھ پر نیند آئے گی۔سب اُٹھوں، میں بھی اُٹھوں، کوئی کھڑکی اسی دیوار میں کھل جائے گی‘‘۔
In solidarity with protestors against CAA and NRC pic.twitter.com/hynuypyNsm
— Azmi Shabana (@AzmiShabana) December 19, 2019
اداکارہ نے اپنی دوسری ویڈیو میں اپنے شوہر جاوید اختر کا شعر پڑھ کر کہا کہ ’’جو مجھ کو زندہ جلا رہے ہیں کہ میری زنجیریں دھیرے دھیرے پگھل رہی ہیں۔ میں قتل تو ہو گیا تمھاری گلی میں لیکن میرے لہو سے تمھاری دیوار گل رہی ہے‘‘ ۔ ساتھ ہی انہوں نے مودی سرکار کو مخاطب کرتے ہوئے کہا کہ ہماری آواز کو دبانے کے بجائے حکومت ہماری آواز کو سنے۔ اور آج جو لوگ احتجاج کر رہے ہیں میں اُن کے ساتھ ہوں۔
Jawab Do pic.twitter.com/bYiboSRVDn
— Azmi Shabana (@AzmiShabana) December 19, 2019
شبانی اعظمی نے اپنی تیسرے ویڈیو میں بھی جاوید اختر کا شعر پڑھنے کے بعد تلخ لہجے میں کہا کہ میں مسلم مخالف قانون کے خلاف کھڑی ہوں۔ ساتھ ہی انہوں نے کیپشن میں لکھا کہ جواب دو۔